local san antonio

Alfonso Alonso y el peor contrato de la historia del Ayuntamiento de Vitoria (Iker Armentia)

Posted on Actualizado enn

Una comisión de investigación ha concluido que Alonso no defendió el interés público y benefició a un empresario en un contrato firmado a tres meses de las elecciones en las que fue desalojado de la alcaldía de Vitoria.

El actual portavoz del PP en el Congreso de los Diputados firmó un contrato con un blindaje de 6 millones de euros a favor del expresidente del Deportivo Alavés, Gonzalo Antón.

Sigue leyendo aquí.

Anuncios

“Orain arte, denon diruarekin, interes jakin batzuk saritu dituzte”

Minientrada Posted on Actualizado enn

Arabako Hitza (2014/02/14)

San Antonio kaleko lokalen afera tarteko, Gasteizko Udala “ustelkeria kasuetan” nahastuta dagoen susmoa piztu da. Hori dela eta, herritar talde bat bildu da haserrea agertu eta herritarrei erantzuteko eskaera egiteko; “kudeaketa eredu gardena” eskatzeko ordua dela uste du Unai Mendizabalek (Bilbo, 1974).

Herritar talde moduan agertu zarete, baina zein bilakaera izan duzue? Nola elkartu zarete?

Ez gara kolektibo bat, norbanakoz osatutako herritar talde bat baizik. Guztiok ibili izan gara hainbat herri mugimendutan, auzo elkarte eta beste hainbatetan. Gasteizko San Antonio kaleko lokalak direla-eta udalean egiten ari diren ikerketa batzordea aztertzeko elkartu ginen, asko kezkatzen gaituelako zigorgabetasunak halako kasuetan.

San Antonioko aferaren balorazioa ezagutarazteko egin duzue agerraldia. Nola ikusi duzue ikerketa batzordea izaten ari den ibilbidea?

Behingoagatik ikerketa batzorde bat eratu da, eta ez da gutxi, baina nahiko kritiko eta kezkaz ikusten dugu auzia. Jarraipena komunikabideetatik egin dugu; beraz, ez daukagu beste herritarrek baino askoz informazio gehiago. Kezkatuta gaude ikusita nola joan den ikerketa batzordea. Alfonso Alonso alkate ohiak esan du ez duela asmorik bertara joateko, eta egiten zaizkion galderak idatziz erantzungo dituela. Udalak jarrera hori babestu du, eta guri oso larria iruditzen zaigu. Horrek jarrera harroputza eta herritarrekiko begirunerik eza erakusten du. Zoritxarrez, baliteke erantzukizun politikorik ez ematea.

Hala ere, zuen eskaerak kasu honetatik harago doaz. Zer eskatzen duzue zehazki?

Gardentasuna. Erakundeen aldetik kudeaketa garden bat, eta guztionak diren ondasunak ez daitezela erabili interes partikular batzuei laguntzeko. Ikusi besterik ez dago; orain arte denon diruarekin interes jakin batzuk saritu dituzte. Gainera, gaur egungo krisi testuinguruan are gogorragoa da egoera; gerrikoa estutzeko eskatzen digute, baina egoera honetan egotea ez da herritarron erantzukizuna. Erantzukizuna dutenei, aldiz, oso merke ari zaie irteten hau guztia.

Adierazi duzue jendeak ere ez duela behar beste erantzuten. Zergatik izan daiteke?

Zaila da jakitea, baina, agian, arazoa da ez dugula erantzuteko bitarteko nahiko eta egokirik. Haserretu bai, baina nola bideratu eta egin zerbait baliagarria izan daitekeena? Hori da jendeak galdetzen duena, arrazoi guztiarekin. Manifestazio bat edo kale agerraldi bat askotan ez da nahikoa, ez baitute irtenbide zuzenik ematen beti. Gaur egun, eztabaida horretan gaude gu ere, taldeko kideok, hausnartzen zer egin dezakegun herritar bezala halako kasuak amaitzeko. San Antonioko ikerketa batzordea amaitutakoan baloratuko dugu zer egin eta nola jakinarazi gure ikuspuntua Gasteizko gizarteari.

“Ustelkeria kasuak” salatu eta mobilizatzeko deia egin du gasteiztar talde batek

Posted on Actualizado enn

2014(e)ko Otsailak 7 (Arabako Hitza)

Gasteizko herritar talde batek egungo testuinguru soziopolitikoan “guztiz errotuta dagoen ustelkeria” salatu du. Haren esanetan, “demokraziaren muinari eraso” eta “jendartearen gehiengoa miseriara” kondenatzen du oraingo egoerak.

Javi Aguillo, Imanol Olabarria eta Juantxo Oskozen bitartez, Gasteizko San Antonio kaleko bulegoen aferari egin diote erreferentzia bereziki. Gasteizko Udalean oposizioak bultzaturiko ikerketa batzordeak laster emango ditu jakitera kasuaren inguruko ondorioak, baina uste dute nabariak direla hainbat “azpijoko”: “Nabariak dira lokalaren alokairua diru publikoz ordaintzea prozedura ilunez eta lokalen jabearen mesedetan hitzartu izanaren zantzuak”. Gainera, onartezintzat jo dute aferaren egileak zenbait lekutan agertzen duten jarrera “harroa”.

Kasu horrek eta beste hainbatek jendearen artean sortzen duten “asperdura eta haserrea” handia dela uste dute, baina “tamalez” kalean ez duela izan nahikoa islarik. Era berean, “axolagabekeria” albo batera utzi eta “aktibaziorako pausoa emateko” deia egiteko baliatu nahi izan zuten agerraldia, “politikari profesionalek ez baitute nabaritzen jendartearen presioa”.

Asteazkenean agerraldia egin zuen taldeak azpimarratu zuen ustelkeria kasuekin “oso haserre” dagoen herritar talde bat dela; adierazi zuten aurrera begira elkarte gisa egituratzea aztertzen ari direla, “herritarren aurrean egoera tamalgarri hauek salatu eta eragozteko bitartekoak eskaintzeko”. San Antonioko bulegoen afera salatzeaz harago, aurrekontuak eta politika jarduna “gardentasunez eta jendearen parte hartze zuzenarekin” egin behar dela aldarrikatu zuten.